Introduction #1

Hridaya(heart) ki Baton ko Abhivyakt karne wali madhayam ko "Bhasa" kahte hai..

 English is the Mixture of every language.

 Grammer is rule or law.

1) Yadi English ko chote se chote tukdo me toda jaye to jo sabse chota anss prapt hota hai use "Alphabet" kahte hai.
Eg -  A, B, C, D, E...etc

2) Jab eak se adhik Alphabets aapas me milte hai aur antt me koi arth nikalta hai to use "Word" kahte hai
Eg - Run,Cricket, Ball...etc

3) Jab eak se adhik word aapas me milte hai aur koi arth nikalta hai to use "Sentence" kahte hai
Eg - We play cricket.

4) Kisi bhi vakya ko teen pramukh bhago me banta ja sakta hai

Subject, Verb, Object

a) Subject :- Ham jiske bare me charcha karte hai ya jo kisi karya ko karta hai use Subject kahte hai.
Eg - India is the best.

b) Verb - Jis sabd ko kisi karya ke hone ya karne ka pata chale use Verb kahte hai.
Eg - I am a student, You are a boy.

c) Object - Jo kisi ke kaam se prabhawit hota hai use object kahte hai.
Eg - We learn English

5) Subject ya to Noun rahega ya pronoun rahega.

6) Noun eak latin sabd hai iska english hai Name to Duniya ke sare naam(name) noun hote hai.
Eg - Ram, mohan, Sohan, Guddu,....etc

7) Jati ke dristikon se noun ko 4 bhago me vibhakt kiya gaya hai

Proper Noun, Common noun, Material Noun, Abstract Noun, Collective Noun

a) Proper Noun - Naam me se waise naam jo kisi ko khass rup se alag karne hetu pradan kiye jate hai.
Eg - Anand, Mohan, Sohan.....etc

Rules of Proper Noun

A) Ye Singular rahta hai aur singular verb leta hai.

B) Iska 1st letter Capital me hota hai.

C) Iske pahle hamesa Article se bacha jata hai.

b) Common noun - Waise naam jispar sabka adhikar hoya eak ka naam lene se us prakar ke samast jati ka bodh ho tab use Common noun kahenge.
Eg - Father, Mother, Village....etc.

Rules of Common Noun

A) Ye Singular bhi ho sakta hai aur plural bhi.

B) Jab ye Singular rahega to apne pahle "The" article ko lega.

C) jab ye plural rahega to apne pahle "The" article nahi lagayega.

Eg - The teacher id teaching.
Eg - Students are reading.

c) Material Noun - Naam me se waise naam jisse aise bastu ka bodh ho jise aasani se napa ya taola jaye ja sakta hai ya jinse kisi dusre bastu ka nirman ho sakta hai ya jinhe alag alag karke ginna muskil ho to use Material Noun kahte hai.
Eg - Gold, Water,....etc

Rules of material Noun

A) ye hamesa Singular hota hai aur Singular verb leta hai.

B) Iske pahle jyadatar Articles se bacha jata hai.
Eg - Water is precious.

C) parantu dregs(liquid par jama dhool kan ka parat) eak aisa Mterial Noun hai jo hamesa plural hota hai.
Eg - Dregs are stinking.

d) Abstract Noun - Waise naam jinse aisi awastha ki bodh hoti hai jise dekha ya chua nahi ja sakta hai balki kewal anubhav kiya ja sakta hai Abstract Noun kahlata hai
Eg - Love, Death, Cold....etc

Rules of Abstract Noun

A) Ye hamesa Singular hote hai aur hamesa Singular Verb lete hai.

B) Inke pahle Article nahi lagaya jata hai.
Eg - Love is bling.

e) Collective Noun - Waise naam jinme sangrah ka bodh ho Collective Noun kahlata hai.
Eg - Parliament, Police....etc.

==> Collective Noun teen prakar ke hote hai 

#) Generalising Collective Noun - Bheed ya Samuh me se waise bheed ya samuh jo alag alag prakar ke member se nirmit ho.
Eg - Machne, furniture...etc

Rules of Generalising Collective Noun - Ye Singular hote hai aur Singular verb bhi lete hai.

#) Group Collective Noun - Waise noun jo bheed ya samuh me se ho parantu eak hi prakar ke sadasyo se milkar bane ho.
Eg - Police

Rules of Group Collective Noun - Ye plural hote hai aur plural verb bhi lete hai.

#) Distributive Collective Noun - Waise bheed ya samuh jo kabhi to aapas me eak hote hai to kabhi aapas me alag ho jate hai.
Eg - Parliament, Commitie...etc

Rules of Distributive Collective Noun - 

A) Jab ye aapas me eak rahte hai Singular samjhe jate hai aur singular verb ka use kiya jata hai inke sath.
Eg - The jury is united.

B) Jab ye aapas me alag alag hote hai to plural samjhe jate hai aur inke sath pural verb ka use kiya jata hai.

Eg - The jury are divided.